<
 
تبادل اعلانات مجاني

العودة   منتديات عرب ارت > الادب العام > روايات , روايات طويله , روايات سعودية

روايات , روايات طويله , روايات سعودية روايات طويلة سعودية خليجية حب و حزن و روايات طويلة قبل النوم واجزاء روايات جميلة من احلى القصص الطويلة و الحكايات الطويلة قبل النوم

إضافة رد
 
LinkBack أدوات الموضوع إبحث في الموضوع انواع عرض الموضوع
  #6  
قديم 07-16-2012, 01:21 AM
:|[..كيوت متميز..]|:
 
تاريخ التسجيل: Jul 2012
المشاركات: 402
معدل تقييم المستوى: 419
زهره جده has a spectacular aura aboutزهره جده has a spectacular aura about
افتراضي رد: روايه بنيت البيت طوبه طوبه لحد ما صرنا حموله

الطوبه الثالثه **



خالد التفت ؟؟
وشافها مو متزنه وضرب ظهرها السياره وكان التركييز على ظهرها مسكها قبل تطييح ..
زينه :آآآآآآآآآآآآآآآآآآآآآآآه ه ه ه ه .. أأهههئئئئئ أأهههئ .. ما قدرت الا وبكت ..
جاء الحارس .. : اساعدك يا بيه ..
خالد خااف لانه غلط .. لا بس افتح باب الشقه ..
ومسكها من جديد بأيديه الثنتيين ووصلها .. ودخل البيت وجلسها على اول كنبه ..
اهي اول ما جلست رمت غطاههها ... وكان وجهها احمر من الشمس ومن الالم ومن كثر ما كتمت .. والدموع ماليه وجهها
خالد حس بتأنيب الضمييير بس ما همه .. وبقله ذوقه رمى العلاج قدامه عالطاوله وقال : المواعيد مكتوبه عالكراتين .. وكل شي بيجيك مكانك
وبتعيشين عيشه ما حلمتي فيها .. والباب هذا اقص رجلك لو بس فتحتيه وطلعتي ولا اقولك راح اقفله .. وطلع ..
وهي تسمع صوت تقفيل الباب .. وهي مذعوره .. يعني شلون بجلس لوحدي هنا .. محد عندي ..
رجعت ظهرها بشويش لورااا واسندت راسها للكنب وهي تطلق العنان لدموعها لتنزل ..





رنا نزلت من فوووق والشرشف على راسها ..
ودخلت الصاله الا وشيخه ورييم طاقينها سوالف ..
سلمت وجلست وهي تقوول من يودينا .. ؟؟
شيخه : خااالد .. بس الله يهداااه تأخر .. الا وعلى دخلته .. رنا علطول نزلت شرشفها ورمته على ريم ,,وهي لقفته ولبسته ..
خالد بضيق خلق من الهم اللي شايله : اذا جاهزين يله اوديكم ..
شيخه عرفت انه فيه شي ,, وهي مستغربته من كم يووم .. مشتها وهي ناويه على جلسه تحقيق معه ..
لبسوا البنات عباياتهم وركبن ومشن .. ورنا تقوول لريم .. ولله لو جدتي به كان ولله غسلت شراعك .. ما معاك شرشف ..




وعلى المغرب الكل اجتمع ..
عبد المحسن وعبدالاله والخال ناصر والعيال بالخيمه .. والبنات والحريم متجمعين بفرشه عند البيت ..وحاطين منقد وعليه البريقات والدلال ..
الجده : ههههه ولله يا زينه من لمه ..
هياء : ايه ولله الله لا يفرقنا انشالله ..
امامنيره وصيته وطبعا شيخه كانوا بالمطبخ داخل يجهزون اللحم ويودونه للرجال لانه بيسونه مندي .. والرجال هم اللي بيسونه ..
وريم وندى بغرفه الجده وبدريه .. وطبعا نظام الاستراحه نفس نظام البيت عزل وصاله رئيسيه ..
ريم واقفه عند المراه تعدل شعرها .. وندى متخبيه وراء الدالوب تعدل بلوزتها اللي لابستها قلب ..
ريم : يله ندى بطلع الحين جدتي تفقدنا ..
ندى : اطلعي انتي انا توي بحط كريم على وجهي وابي استشور شعري ما راح اطلع وهو رطب ..
ريم : اجل بكيفك .. وطلعت ..
ومشت طالعه لبرا وبيدها جوالها تبي تشوف وين شيخه تروح لها .. اكثر وحده ترتاح معها .. اما اللي باقي تحس فيهم طفاقه ..
وما درت الا واللي ضاااربه فيه .. وطاااح جوالهاوصار ميه قطعه ..
.......: آآسف .. وفتحي عيونك مره ثانيه .. ولا تنسين الشرشف ..
هي من الخوف ما التفتت وراها و ظلت مكانها ...وهو مشى ..
انقهرت منه .. من هو عشان بضربه يهل عليها كل هالاوامرر .. وبسخريه بانت على وجهها قالت : وآآسف بعد .. هو سمعها وسمع نبره السخريه اللي بصوتها ..
ما اهتمت ركبت جوالها بعد ما جمعته من الارض .. وكلمت شيخه وقالت لهابالمطبخ ..



وصلت لهم بالمطبخ وهي تقوول لشيخه : وانتي وين ما ادورك الاقيك بالمطبخ ..
صيته بقهر على شيخه : بلا ولله لانها مره سنعه ..
امه : بس ما لقت اللي قدرها ..
شيخه ..بان على وجهها الضيق ..
امه: خسرو ذهبه .. ما الله كتب لهم منها نصييب ..
شيخه تتضايق اذا احد تكلم بهالموضوووع .. طلعت وتركت اللي بايدها .. اما ريم على راسها ستميه الف علامه ااستفهااام ..


لحقتها .. ريم وقفت معاها عند المخزن من الجهه الثانيه من الحريمم ..
ريم لفتها تجاهها .. وشافت الدمعه تحوووس بعين شيخه ومو لاقيه مخرج ..
ريم بضيق عليها قالت : شيوووخ شفيييك .. ؟؟
شيخه مسحت دمعتها اللي ما طاحت من عينه ومتجمعه وابتسمت وهي تقووول : مافيه شي ..
ريم بأصراار .. : مافيه شي .. ليه شقالو لك .. بهالفتره اللي قعدتها هنا عرفتكم واحد واحد .. مو انتي دائما تقولين شفيك ساكته .. كنت اتأملكم وعرفتكم بسررررعه .. لاني اشوف فيكم ابووووي ..
والحين قولي شفييك .. وشاللي تقول ام فيصل .. من اللي ما قدروووك ..
شيخه وهي تجلس .. ما تعرف ليش قدام ريم تحس انها مفضوحه .. يمكن لانها فيها شي من صفاتها .. يمكن ..
بحسره قالت : انا متزوجه .. اقصد كننننت متزوجه .. واتطلقت ..
ريم صدمه بالنسبه لها ..
.. متزوجه .. ؟؟
شيخه بحسره ودموووع : اييه متزوجه .. وحسبي الله على اللي فرقنا ..
ريم بأستفسار ولهفه للجواب : ومن اللي فرقكم .. ؟؟
شيخه وهي تتنهد : ايييييه يا ريم فتحتي جرووووح قديمه ..
ريم بحزن : انا آسفه .. بس جد شوقتيني ..
شيخه بأبتسامه بآئسه : شوقتك !!! حسيتك رنا ..
ريم بعناد ويباسه راااس : رنا ولا سما مو مهم ابي اعرف ..
شيخه ابتسمت لاصرارها : طيب شتبين تعرفييين ..؟؟
ريم : ابي اعرف متى تزوجتي ؟؟ منو زوجك ؟؟ وليش تطلقتي ؟؟ ووينه ؟؟
شيخه : اوووووف كل هذا ..
ريم : ايه كله شوارانا ..
شيخه بتهرب : ورانا المطبخ ..
ريممم وهي تقرب لها وتقول: شيووووخ مو عليي مافيه هروووب ..
شيخه عرفت انها ما فيه مفر .. : وبدت تروي لها معاناتها ..
شيخه : يا اختي .. انا وسالم تزوجنا زواج تقليدي .. اهله شافوني بعرس .. وبعد يومين كلموا جدتي .. وقالوا بنجيكم .. واستقبلناهم ..
وفعلا .. تكلموا الرجال بشكل رسمي ... وتم كل شي تمام .. وعشت انا ويااه سنه من احسن ما يكووون .. انا وامه كنا مثل السمن على العسل .. بس عمته ماحبتني .. وكانت تبيه لاختها .. لانها كانت عانس وتخيلي اكبر من سالم بسبع سنيين .. ومع هذا مصره تبيه .. وصارت تزن وترن بأذن ام سالم لحد ما طاوعتها عمتي وزوجوهم .. من وراااي .. وكانوا مخبيين عني بس انا لاحظت التغييير على سالم .. كان كل الوقت يتهرب .. بعد ما كنت اترجاه ترجي يروووح شغله وما يرضى وابتسمت وهي تمسح دمعتها وكملت حتى انه جاه انذار من مديره .. لحد ما جاء اليوم اللي كان عندنا غدااا .. وكنا انا وخالتي بالمطبخ .. طبعا خالتي تحسنت شوي بس مارجعت مثل اول معي .. المهم .. خلص الغداء وقلت لخالتي اني بصعد غرفتي ارتااح شووي .. وفعلا صعدت ..
وبصعدتي جت عمته .. وما كانت حاضره الغداء وانا استغربت بس ما دققت قلت شلي بوجع الرااس .. وانا بغرفتي دخل سالم .. وكان شكله تعبان .. وانا حللتها علطول انه من كثر ما قهوى الرجال ومن كثر ما اشتغل .. بس ما كان هذا السبب .. سألته شفيك ؟؟..
قال تعبان وما تغديت .. قلت: ثواني واجيب لك غداا ونزلت .. وانا نازله من الدرج سمعت عمته تقول لخالتي .. : ابشرك جابت الولد .. عساااه يتربى بعزكم انشالله .. واللي اثار فضولي اني شفت اخته تبكي وما كانت دموع فرحه ,, لا كانت غبن ..
دخلت عليهم الصاله وانا مبتسمه .. اول ما شافتني اخته وقفت وقالت .. شيخه تعالي معي .. حسيت ان الموضوووع يخصني .. ومن حركه اخته تأكدت .. اصريت اوقف .. لحد ما القت علي القنبله عمته لما قالت .. مبروووك سالم جاه الولد اللي ما جبتييه .. انا حسيت انا ماء بارد انكب على راااسي .. ما عرفت شسوي ... وخالتي تحاول تسكتها بس هي مستمره .. انا طلعت لفوووق بسرعه فتحت الباب بقوووه ..
سالم خاااااف .. وارتبك وسكر جواااله بسرعه .. ووجهه قلب .. كان يكلمها ..
حسيت روحي طلعت لما سمعته وهو يقووول الحمد لله على سلامتك مو ممهم الولد عندك .. حسيته ذبحني .. حسيت اني انشلييت ..
رد مع اقتباس
  #7  
قديم 07-16-2012, 01:21 AM
:|[..كيوت متميز..]|:
 
تاريخ التسجيل: Jul 2012
المشاركات: 402
معدل تقييم المستوى: 419
زهره جده has a spectacular aura aboutزهره جده has a spectacular aura about
افتراضي رد: روايه بنيت البيت طوبه طوبه لحد ما صرنا حموله

حسيت السووواد يلفني وهي كلمه نطقتها : ودني بيييت اهلي ..
سالم : شيخه اسمعيني .. شيخه انتي فاهمه غلط ..
شيخه بنهر وتسكيييت وقهر لان كل شي مفضوح ومافيه مجال للكذب : ولااااا كلمه ولاااكلمه . ودني بيت اهلي ,, وطلقني ,, خلاااص اللي بيننا انتهى ..
سالم بجنون الهايم : لا لا الا الطلاااق يا شيخه اودييك بس طلاااق لااا ..
شيخه : بتوديني وتطلقني .. خلاص النفس طابت ..
سالم : طلاااق لا لالالا ..
شيخه والسواااد حسته يزيييد : وانت رجاااال بتطلق .. واذا ما وديتي بدق علييهم يجوني ويآآخذوني .. احسن لك طلقني بكرامتك .. ووو وطحت من طولي .. وبعدها ما صحيت الا بالمستشفى ..
واهلي عرفواااا الساالفه كلها اخواني قومو الدنيا وما قعدوها .. وانا اصريييت على الطلااق .. وتطلقت بعد 6 شهووور من اللي صاار ..
ريم بتأثر : الله يآآخذ عمته ..ولا يوفقه بحياته ..
شيخه : لا لا تدعين .. خلاص اللقمه اللي عندهم كليتها .. وهذا قدري ..
ريم : الله يعوضك .. بس تعالي من هم اخوتك .. انتي ما لك الا خالد ..
شيخه وهي تبتسم .. : لا الله يخليهم عندي محمد وفيصل .. اخواني رضاعه .. كلنا ما بيننا الا كم يووم .. بيني وبين فيييصل 14 يووم .. وهو الكبيير وبعده محمد بأسبوووع وانا بعده بثلاث ايااام تخيلللي ..
ريممم بفرحه من فرحتها لما جابت طاري اخوتها بعد ما كانت تبلع غصتها وتحاول ما تطلعها : الله وناااسه ..
.... : شيخه ..
شيخه وهي تلتفت وابتسامتها وسعت زياااده : هلااا فيصل . ..
فيصل : تعالي شوي ابيك ..
ريم قامت وقالت : خلاص انا برووح لجدتي اكيد فقدتني ..
وراحت .. لما راحت قرب فيصل



فيصل كانت ايديه مليانه ..
شيخه على طول : خذت الكاسات والفناجيل منه ..
فيصل : واللي يعافيك بدليهم بجدد ..
شيخه : انشالله ..
وخذتهم ودخلت ..
ولما دخلت لقت ندى قالبه المطبخ عليهم وتصيييح ..
امه : ندى بلا حركات المبزره .. ودوريه يمكن تلقينه هنا ولا هنا ..
ندى رفعت راسها لامها كأنه تنتقدها وقامت وهي تبكي زياااده .. ومرت من عند الصاله ولحسن حظها ان جدتها طالعه من الحمام وانتم بكرامه متوضيه .. وشافتها .. ومسكتهم تحقيق شفيها ..
شيخه : بسم الله شفيكم .. وشفيها ندى ؟؟
صيته : سوارتها اللي من ابوها الله يرحمه طايحه منها ودورتها وما لقتها ..وتصيييح ..
شيخه بتعاطف لانها عارفه حجم هالاسواره عنده .. مع انها صغيره وكأنها حلم .. : طيب دورتوها معها ..
سما : ايه دورناها وما لقيناها ..
شيخه طلعت وراها ..
وسألتها الجده وهي تقول لها السالفه ..



شيخه : ندى ..
ندى تصييح وما ردت عليه ..
شيخه وهي تمسح على ظهره .. : ندو .. قولي من متى فقدتيها ..
ندى ببكى : مااا دري ..
شيخه بأهتمام : زين وين دورتيها ..
ندى : بكل مكااان بس مالقيتها ..
شيخه : ههههه اكيد وانتي تصيحيين ما راح تلقينها .. زين يمكن طاحت بالتراااب ..
ندى : مادررررري ..
شيخه وهي توقف وتوقفها معها وتقوول : زين قومي ومسحي دموعك .. وخلينا ندوور من اول وجديد .. ونطلع لبرا ونشن حمله كلنا وندوره ..
ندى والفكره دخلت راسها ابتسمت لفكرتها لانها المهم تلقاها مو مهم الطريقه ..
وطلعت شيخه وبروحها المرحه قومتهم كلهم يدوروون .. البنات والشغالات .. واللي يلقاه بيكون له الاسواره ..
ندى انخرعت وقالت: هييييييييييييه شيخه بتكحلينها تعمينها ..وشوو له الاسواره واصواتهم وهم يتكلموون عاليه ...
شيخه : لا امزح له اللي يبي بس نلقاها ..
رنا تتفلسف : اللي يبي ..
شيخه : اييه ..
رنا وهي ترفع اكمامها وتقول ..: يالله توكلنا على الله ..
وابتدوا وظلوا نص ساعه مستنفرين وبعضهم ملوا وجلسوا والبعض لا زالوا يدوروون ..
حتى الرجال دروا بهالسالفه وضحكوا على عقوول الحرييم ..
وقام تركي وتوجه لسيارته .. وفتحها وفتح اللمبه وجلس يدور ويدور .. وابتسم لما شافه بين المرتبتين .. خذاه ونزل ..لانه اتوقع تكون طايحه بالسياره ..
وتوجه لجهه الحريم ونادااخته موضي ..اللي هي مرت عبدالاله وام سعود وسما ..
موضي ..: هاه تركي آمر ..
تركي بأبتسامه خبيثه قال : قربيني لاقرب مكان للحريم بحيث اشوفهم ولا يشوفوني .. ويسمعوون صوتي ..واسمعكم ..
موضي بريبه من نبرته : تريّك وش عندك .. ولله مالك داعي العالم مسوين انتفاضه على سواره ندى ..
تركي : وبعديين يأم سعووود بتسوين اللي قلت لك ولا انادي امي ..
ام سعود .. : خلاص خلاص .. بسم الله منك ..
وقربته للحريم وقالت للحريم ان تركي يبيكم ..
وجلسن البنات كل وحده بمكان .. والحريمم ... واهجدوا ما تسمعووون اي حس .. لو نرمي ابره انسمع صوتها بيشوفون شفيه ..
تركي رفع ايده وهو ماد السواره لهم ..
كلهم حاولوا يشوفون شاللي بيده وصرخت ندى ونست نفسها وهي تقمز واقفه و تقولل : سوااااارتي ..
ابتسم تركي لفرحتها وصوتها واعطى الاسواره لموضي تعطيها اياها وقال : مو شيخه قالت ان اللي يلقاها له اللي يبي .. ؟؟
ندى حست بخوف وجلست .. ماتدري ليش ..؟؟!!
موضي ابتسمت لهبال اخوها وقالت : ايه ..
وهمست ندى بينها وبين نفسها وقالت : يبشر بعزه اللي يبيه مهما كااان بيجيه ..
وصارت جملته بأذن سماوقامت سما وقالت له .. وهو وجه انشق شق من الابتسامه ؟؟ وقال : يعني مهمها كان اطلب ؟؟
موضي بتشوق للطلب قالت : اللي تبي .. اخلص قووول ..
والشغالات صابتهم خيبه ودخلو المطبخ ما همهم وش بيطلب تركي ..
اما الباقييين على احر من الجمر .. وندى الابتسامه ماليه وجهها من الفرحه وتناظر بأسوارتها اللي بيد موضي ..
تركي بتردد وخوف وتهووور : طلبي هو ... ... انك تكونييين حلالي ... ... !!!!
ندى وكأن اللي انكب بوجهها ماء بارد وجمدت بمكانها وبسمتها تلاشت ..
وتركي انسحب بهدوووو وهووو متحسف وندمااان من تهوووره .. بس شي بنفسه اللي سوااا هالشي ما كااان بوعيه .. لحظه جنونيه ..


الكل سكت .. امه ما عرفت شتقوول فرحانه ومصدومه .. تمنت كثيير يوم زواجه وهو رافض ويوم فقدت الامل يفاجأها .. وناظرت بالجده .. الجده تضايقت من طريقته بالطلب ... بس فرحانه لطالما كانت تزن فوق روسهم يتزوجوون .. وتركي اولهم وباقي السبحه بتنهل انشالله ..
بس اللي باين على وجهها الزعل .. بدريه وجهها قلب وتلون بألف لوووون ..
وبين ما هم ساكتيييين .. نطت سما وهي تصررررخ وتقووول : اللللللللللللللللله ندوووو بتصيرين مرت خاللللي .. ونااااااااااااااسه ..
الجده بغضب : قصري حسك يا بنت ..
سما هجدت من نبره جدتها اللي تعرفها زين ..
الرجااال كانوا اللي يتقهوى واللي عند المندي برااا واللي يتقهوا واللي يحوووس بالنااار ..
اللي بالخيمه سمعوا الصرخه وسمعوا بعد الجده يوم خانقت ..
عبد المحسن : حسبي الله عليهم من بنات كانهم جننو امي ...
تركي كان جالس .. والوحيد اللي فهم صرختها وعرفها انها سما .. حس انه تورط خاف يقول لابوه ويخانقه لانه ما شاور واخذ شوره من راسه .. بس قال هي خاربه خاربه خلني اقووول له وارتاااح ..
تركي تنحنح وتعدل بجلسته وقال : يبه ...
ابوه التفت عليه : نعم تركي .. شعندك .. انت من دخلت وانا انتظرك تتكلم ..
تركي من دون مقدمات قال : انا ابي اتزوج ندى بنت يوسف رحمه الله عليه ..
خالد عند الناار التفت بسرعه شقد دفش هالولد ما عنده وقت ابد ..
ابوه وهو يتهلل وجهه : هذي الساعه المباركه ..
تركي ما دام الوضع للحين ما شي تمام كمل : يبه ما دام احنا مجتمعين خلنا نقووول لجدتي ..
عبدالاله مبتسم : على هونك .. لا تستعجل .. وندى تستاهل جاهه لطلبها ..
تركي وهو منزل راسه وقال : ندى تستاهل بدل الجاهه جاهتين وحفله بعد .. احنا بس بنتكلم ..
ناصر انبسط من كل قلبه ويتمنى يتزوج ولده وحده من احفاد اخته وربي اجاب وقف وهو يقول لعيال اخته مشينا لاختي
طلع .. ومعاه عيال اخته .. لما طلعوا التفت فيصل ومحمد وسعووود اللي حاسهم حوووس يقولون له يمين يسوي يسار ,,
فيصل وهو رافع ثوبه ورابطه على خصره .. : خير انشالله .. عسا ماشر ..
الخال ناصر : ما شر انشااله .. رايحين نخطب تجووون ..
فيصل : هههههههههههههه حلوه تخطبووون ومن سعيييد الحظ ..
الخال بجديه اكثر : وانا صادق يا فيصل .. بنتكلم لتركي .. والدور الجاااي بأذن الله علييك ..
فيصل حس بجديتهم : ولله تقولها صادق ..
عبد المحسن ابو خالد وعمه يكون : افاااا فيصل .. ازعل منك هذا الخااال ..
محمد بوناسه : يا فرحه جدتي .. خلها يمكن تلهى عنا شوي .. وهو يكشر ويراعي لتركي بس من تعيسه الحظ ...
تركي وهو يمشي مع ابوووه قاال بأبتسامه وهو يهز حواجبه : اختك ..
ممحمد رمى اللي بيده وصار الثقل على فيصل.. وسعود ما من تكانه وطاحت الحديده على رجل سعووود..,
سعووود : أأأأأححححح .. تريك يتزووووج وانا تنكسر رجلي .. بلعنه فيك وفيه وبأختك زييييييين ..
فيصل : هههههههههههههههههههههههههههههههههههههه
محمد يلحقهم وهو يقووول : هييييه تعالوا لاانتم صادقييين ..


وراحوا للحريم .. وتكلم الخال .. وهو ما يدري ان الحريم عندهم خبر .. الجده لما جاء وتكلم .. انبسطت ومشت حركه تركي .. المهمممممم يتزوووج .. وانه يرقع اللي سواه ..
بدريه : ولله يا خالي .. البنت بنتك .. والولد ولدك ..
الخال : الله يتمم على خير .. الاسبووع مو الجاي .. اللي بعده نتكلم رسمي ..
لما قال هالكمه .. جلست ندى عالكنب وصارت تصيييح ..
شيخه ضمتها وهي تقووول : مبروووك يا ندى .. الله يتمملك على خيير ..
سما : اللللللللللللللله وناسه ..
ليا : الف مبرووك حياتي ..
ندى : طيب شقووول .. عقبالكم ..
ليا : أأأهئ هذا الجزااا .. نقول لك مبروووك تقولين عقبالكم .. فالك ما قبلناااه ..
الكل : ههههههههههههههههههههههههههههههه
ريم جتهم تركض من عند الباب لانها كانت تطل عليهم ..
شيخه : بسم الله شفيييك وهي تبعد لا تطيح عليها ,,
ريم تآخذ نفس : ا ههئ يمه يمه .. من هو هذا اللي برا ..
سما : اكييييد ما دام وجهك منصفق وقالب اصفر اكيد قرقوش اللي برا ..
ليا : وجع يصكك انتي وياها واحترمي نفسك ..
رنا : هههههههههه اللي على راسه بطحا يحسس عليها .. من طرا اخوووك ..
ريييييييم تضرب براسها وتقوول : العن ام الغباااء تتهاوشووون من هذا .. وحده تجي تقووول من هالطخمه اللي برااا ..
ندى وهي تطير عيونها وتقووول : جاك يومك كان هاللي برا تركي ..
سما : ايوووووواااااااااااااا ايووووا اشتغلت اشتغلت ...
وقامت ندى تشوووف الا ..
الخال وعمامها اللي برا بس .. وقالت وهي تلتفت عليهن : هييييييييييه ما فيه احد ..
ريم وهي تمثل انها تطيح على شيخه وقالت : لااا لااا ما اكذب عيني واصدقك .. اصلااااااا عقلك مو معك ..
شيخه وهي تناظر برييم شفيها انجنت اول مره تشوفها بهالحاله !!!! وهي تبعدها عنها وتقوووم تشوووف ..
وما حبت انها تطل وترجع فا طلعت شوووي ..
شيخه للي برا : السلام عليكم ..
الخال وعمامها يحبونها حيييل .. لانها بالاول البنت الوحيده بين العيال اول ... وحبها على قولتهم معشعش بالقلب ..
الخال : هلااا وللله .. هلا بشيخه البنات ..
عبدالاله : اي ولله صدق من سماااك شيخه ..
شيخه وجهها ولع احمر من الحيااا : تسلمووون .. واستحت وطلعت ..
الجده : بعد عيني .. صدق لا قالو لا قام لك حظك باع لك واشترالك ..



شيخه وهي داخله للبنات كانت ميته حر .. من الحيااا ..وما انتبهت ..
البنات مترصدين عند الباب واول ما دخلت بصوت عالي قالوا :مـــــــــــــــــــــــــــن ؟؟
شيخه نزت : اههههههئئئئئئئئئئ .. بسم الله ..
البنات : هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه
الجده بغضب قامت عليهم بعصاها ...

البنات معطين الباب ظهورهم .. الجده اول ما دخلت مسكتهم بالعصاااا ..
البنات : ااااااااااااااااااااااااااااااااااااااااا .. وهن يركضن اللي تطيح واللي تصيييح واللي تضحك ..
الجده : اص وقص انشالله يا قليلات الادب ياللي ما بوجيهكن حيا .. فوتناها مره تماديتو .. خبصتونا حسبي الله على بليسكم ..
شيخه قامت لانها جلست بعد ما خرشوها .. : جدتي هدي بالك .. هذولي البنات ما حلك تعرفينهم ..
الجده : اخييييييييييييه عليكم .. شبيقولون عنكم العيااال وعععع عليكم .. وانتي يا ندى .. هذي اللي بتصييير مره .. يا همالالالالي بس .. الله يخلف على امهاتكم بس ..
وطلعت زعلااانه عليهم ..
عيالها : يمـــــــــــه وين رحتي .. اتركيك منهم .. ما عليهم شرهه ..
الجده محتمسه : ومتى الشرهه تحل .. لا فشلونا عند حمايلهم ..
الخال : هههههههههههههه يا وخيتي خليهم .. هذولي بناتنا .. وبيرفعن روسنا .. عند حمايلهن ولا عند غيرهم ..
الجده تتستهتر : اييييييييييه انشااالله .. ان حجن البقر هالسنه على قرووونهن فهن بيتعدلن ..
الكل : هههههههههههههههههههههههههههههههه



شوي الا وفيصل جاااي ..
فيصل وهو رافع ثوبه : هاه ما ودكم بالعشاء .. ؟؟
الخال : امداااه وانا ابوووك ..
فيصل : ايه وانشالله وبعوون الله بتآآكلوون اصابعكم ورااه ..
سعووود من ورااه : اكيييييييييد ما هو انا اللي مسووويه ..
محمد : من جنب طال عمرك ..
فيصل : ههههههههههههههههههههههه نجيبه للحريم يجهزونه .. ؟؟
عبد المحسن ابو خالد : جيبه وانا عمك بس لا يشيله سعووود ترانا جوعانين ..
الكل : هههههههههههههههههههههههه


وجابه فيصل للحريم وخذته امه والشغاله منهم .. ودخلت المطبخ وجهزوووه وحطوه للرجال اول .. وبعدهم الحريييم ..
واتعشوا ..
الساعه 11 ونص باليل . ..
الجده والحرييم برا عند النااار .. صيته جتهم من المطبخ ومعها ابريق حليب بزنجبيل ..
الجده :: الله يخليك يا ام فيصل .. ما شاء الله متنا واحنا جالسين وانتم تجيبووون ونآآآكل ..
صيته بأبتسامتها الوقوره : بالعافيه يا خالتي .. يحضر للحليب ملك انشالله ..
الجده : بنشربه انشالله .. والله يخليكم و ويقويكم ..
موضي لعمتها : ولله يا عمتي .. ما حلاات الحليب والزنجبيل الا من ايدين ام فيصل ..
منيره ام خالد : ايه ولله وانتي الصادقه ..
ام فيصل : الله يسلمكم .. وما طلبتوا شي غالين والطلب رخييص ..
بدريه وهي تطبطب على رجلها وتقول : اصيله يا مرت الغالي اصيله ..


رد مع اقتباس
  #8  
قديم 07-16-2012, 01:21 AM
:|[..كيوت متميز..]|:
 
تاريخ التسجيل: Jul 2012
المشاركات: 402
معدل تقييم المستوى: 419
زهره جده has a spectacular aura aboutزهره جده has a spectacular aura about
افتراضي رد: روايه بنيت البيت طوبه طوبه لحد ما صرنا حموله

عند الرجاال ..
خالد وقف وهو يقوول : يالله انا استأذن ..
ابوه : وين ما بتنام .. ؟؟
خالد : لا ولله بروح البيت .. عندي الصبح دواام .. واخاف انام هنا واتأخر بالقعده مع الشباب وما اقووم الصبح ..
ابوه : عاااد ولله ما نقدر نصرح لك بالقعده .. ما داام الخال هنا ..
الخال: ههههههههه لا لا تتمصلح . مافيه الدوام دوووام ..
خالد لخاله : ما بذنك ماااي ..
الخال: لا ولله ..
خالد بخيبه يتصنعها : اجل بالاذن ..
الخال : لا ولله امزح أمن احد مكانك واجلس ..
خالد : لا ولله انا مأمن مكان واحد .. لا بسري انشالله ..
ابوه : الله معك وشوي شوي ولا تسرع ومر على جدتك ..
خالد : اكيد ما يبي لها وصاااه ..


مر على جدته سلم وطلع ..


البنات .. طنه ورنه .. رايحيين آآخر الاستراحه .. ومشغليين المسجل ويرقصن ..
ندى : ورا ورا ورا
ليا : بسم الله لا يدخل بنا جني بس ..
رنا : بسم الله لا تذكرينهم .,.
سما بلا مبالاه وبعفويه قالت : اصلا هم معانا من اول الجلسه ..
البنات بصوت واحد : واااااااااااااااااااااااااااااااااااااااااااا وركضن وخلن المسجل مشغل وركضن ..



الجده تسمع : اأأأأخخخخخ الله يخلف ..






خالد وهو ماشي والطريق مظلم .. تذكر يوم صار اللي صار مع زينه .. ولما وقف لها .. وقال بصوت مسموع : صدق من قال .. خير تعمل شر تلقى ..
وما حس بنفسه الا وهو واقف عند العماره .. نزل .. ودخل للعماره .. اول ما دخل حس حارس العماره باللي دخل ولما شافه خالد دخل غرفته ..
خالد دخل المفتاح بالباب وهو خايف .. ما يدري ليش اذا جت بباله او راح لها يخاااف .. يمكن لانه مسوي شي من وراا اهله .. او تأنيب ضمير ..
فتح الباب .. وكان الظلااام يعم المكاااان خرمس .. ما تشوف ايدك لو مديتها .. فتح الضوو .. الا ويشوفها على وضعها من تركها العصر ..
خاف وقرب .. ولما قرب شاف دموعها .. تنهد وهو يقووول : اللهم طولك يا روووح ... وبعدين يعني ؟؟
زينه ما تحركتك وظلت مثل ماهي .. جلس بالكنب اللي بجنبهاوهو بضيق نفس يقووول : شفييييييييييييك ؟؟
زينه وهي منهدده حيييل تعبانه وبصوت يالله يطلع وحاسه بالذل انها بتطلب شي منه قالت : ســـ ــــاعــــ ــدني !!!
خالد وهو يناظر فيها وهو رافع حاجبه قال : نعــــــم ؟؟!!!!
هي سكتت وبكت زياااد ه وهو ما همه كمل وهو يقوووول : هالحييين بتقنعيني انك من العصر ما قمتي ولا تحركتي من مكانك .. !!!منتظره احد يساعدك !!!
هي ساكته ودموعها ما جفت من عينها .. وظل يناظر فيههها مستحقرها ... حست انها بتموووت من نظراته لها وهي مغمضه فتحت عيونها وهي تهب بوجهه .. : انت ما تحس .. ما بقلبك رحمه .. تاركني من العصر هنا .. ما تقوول شلون بتقوم .. بتقعد ..بتنااام .. ما عندها احد يساعدها ..
قرب لها وهو يمسكها بيده من وجهها ومن بين اسنانه يقووول : حسك عينك صوتك هذا يطووول مره ثانيه .. ولا لسانك هذا بقصه انتي سامعه .. وهو يتركه بقوووه ..
زينه : أأآآآه .. وبقلبها : حسبي الله ونعم الوكيل .. حسبي الله ونعم الوكييل ..
تركها ودخل للحمام وانتم بكرامه ..
اول ما دخل وضرب بالباب بقوه .. بكت وبكت وطلعت كل للي بقلبها .. وبلحضه وحده بس .. تذكرت .. وهي تقووول بنفسها ..( شفيك شفيك يا زينه ؟؟.. ليه تخلينه يذلك كذا ؟؟.. ليه صرتي ضعيفه كذا وانتي الي طوول عمرك محد حكمك!! .. دموعك هذي هي ضعفك !!.. وهي اللي بتدمرك!! .. لازم ما تطلع لا قدامه ولا قداام غييره ..) رفعت راسها وهي تمسح دموعها .. واتلفتت يمين ويسسار .. تدور شي تستند عللليه .. بس ما فيه شي قرييب .. كانت بتبكي بس مسكت نفسها .. وحاولت وحاولت تقوووم وما قدرت الضلع يضغط وتتألم ..وما حست الا باللي يمسكها من وراها ويقومها بشكل طولي آآآلامها ..بس ارحم من قومتها لحالها ..
ما انتبهت له لما طلع ..
التفتت عليه بوجه جديد وهي تقووول : شكراااا ..
خالد بأستهزااء : اتمنى ما تكثر طلباتك . ؟؟...!!ولا تتشكرين ..
زينه التفتت عليه بوجه خااالي من ايي حيااه من اي تأثير وتعبير : اوعدك ما رااح تكرر ابد ..
ومشت للغرفه اللي بوجهها دخلتها وهي ترمي عباتها على السرير .. وتشوف الباب المسكر واتوقعت انه يكون الحمام .. وبالفعل .. دخلت .. سكرت الباب .. وفتح المجال لتفرغ اللي بنفسها .. بكت لحد ما صفى راسها ..


اما هو براا فتح التلفزيووون وجلس يفرفر فيييه .. وهو يفكر شلوون يطلع من هالورطه قبل تكبر ويعرف الكل .. فقد الصووووت وقام يشوووف .. على دخلته طلعت هي من الحمام ووجهها احمممر كانننت عااديييييييييييه جدااااا بس اللي مميزها بيضاااااااها وشعرها مبلووول ..وهي قررت تعامله بنفس طريقته الاستفزازيه .. قالت : لا تخاف ما راح انتحر لا عشانك ولا عشان غييرك .. !!
انقهر وقال : هذا اذا هميتيني .. وطلع للصاله فتح الثلاجه اللي بالمطبخ الصغنوووون محد يقدر يدوور فيه واخذ عصير فتحه وهو يشرب منه ..
اما هي تلفتت وشافت فيه شرشف وخذته .. ربطته .. وطلعت مرت من قدامه خذت ماااء ورجعت للغرفه .. اكلت علاجها وهي ميته تعببب .. كلته وتمددت بعد ما رتبت وسايدها بشكل تكوون فيه شبه جالسه .. وغمضت عيوونها .. وما هي الا لحظاااات ونامت ..


خالد مل وهو يقلب بهالقنواااات .. قام سكر التلفزيووون وكان بيطلع وحس انه متكسسر .. التفت وهو يشووف الكنبه وابتسم هالكنبه ياما نام عليها وسهر ودرس .. اشتاق لها رجع رمى شماغه واتمدد عليها وناااام

تابع
رد مع اقتباس
  #9  
قديم 07-16-2012, 01:21 AM
:|[..كيوت متميز..]|:
 
تاريخ التسجيل: Jul 2012
المشاركات: 402
معدل تقييم المستوى: 419
زهره جده has a spectacular aura aboutزهره جده has a spectacular aura about
افتراضي رد: روايه بنيت البيت طوبه طوبه لحد ما صرنا حموله

الصبح الساعه 8ونص ..
صحت زينه وهي تشوف ساعتها .. رفعت الغطاء وهي تقوم بكل سهوله بسبب الشرشف اللي ربطته دخلت الحمام توضت وجلست عالكرسي وصلت .. وكانت ميته من الجوووع .. طلعت بتسوي لها اي شي تآكله خصوصا ان معدتها تآآلمها شوي من الحبوب اللي كلتها امس بدون اكل ما بعد الفطووور ...
لما طلعت اتففآآجت لما شافته عالكنبه نايم ..
مرت من جنبه بهدوو .. دخلت للمطبخ شغلت حراره الماء الحار .. فتحت زرف الكبتشينو وحطته بالكوووب .. ولما غلى الماء صبته عليه .
خالد صحى من صوتها وريحه الكوفي رفع يده يشوف الساعه وقمز .. دخل الحمام توضا وصلى وطلع للصاله وشافها جالسه مشغله التلفزيوون وتآكل توست .. مر من جنبها اخذ كوبها وهو يشرب منه خذا مفاتيحه نزل الكوب على الرف اللي عند الباب وطلع وهو يقفل الباب ..
ناظرت فيه وتنهد وهي تقول الله يعين قلبي على هالحاله ..








في الاستراحه ..
الجده بالشمس مع هياء مرت اخوها ..
الجده : يالله صباح خيير ..
بدريه جتهم ومعها السفره حطتها ونزلن الشغالات الفطور ..
اما منيره عند النار جالسه تسوي شاهي وقهوه ..
اجتمعن وهن يفطرن .. وسمعن صوت بوري عند الباب .. فتح العامل .. وكان منصووور ولدها الصغييرر ..
الجده : اخيرا شرف ..
بدريه : خليه يمه على راحته لا تحكرينه .. هو مو بزر عشان نسأله وين رايح ولامن وين جاااي ..
الجده : اقول هها بس .. شمعنى فيصل ومحمد يجوون وما يثنون الكلمه .. الا ولله هذا ما يستحي .. يكسر كلمتي ..
منصور من وراها : ما عاش من يكسر كلمه الغاليه ... وهذا انا عشان خاطرك .. جيت وتركت اخوياي بالبر ..
.........: من اللي مزعل شيخه البنات من صبح الله ..
الجده وهي تلتفت وتشوف سعووود طالع من خيمه الرجال قالت : يااالله صباااح خيير .. التم المتعوس على خايب الرجا ..
منصور وهو يلتفت على سعووود وهو يقول ويحك راسه ومغمض عن الشمس ومكشر : انا حاااس وكأنه وعلى ما يبدو اننا انسبينا ..
سعووود يجاريه بهباله قال : حتى انا بس ما بغيت ابين هالشعووور ..
بدريه : هههههههههههه حسبي الله على عدوينكم ..

وانتهت طلعتم على العصر كل واحد دخل يلف اغراضه ويرتبهم .. وعلى المغرب رجعوا ..


خالد كان بيجيهم بس يوم كلم امه قالت له انهم راجعيين . قال فرصه خلني اجيب اغراض لزينه واطين عيشتها واطلع على ما يجون اهله ..
فيصل دخل امه واخته والجده وشيخه ورنا معاه .. وريم مع جدتها اكييد ..
منصووور جلس يستهبل ويقووول شمعنى تروحين مع فيصل وانا ولدك .. وهي تقوله ما عفت اللي باقي من عمري يوم اركب معك وكلهم ضحكوا وركبت معاه اخته وندى والشغالات .. وسعود معه اهله ..




ومر الاسبوووع عليهم طبيعي .. مثل اي اسبوووع .. ناس مجتهده تدرس مثل ليا اللي تدرس بالغصب .. خوف من فيصل ..
وسما وندى اللي كبر بعض وضاربين الدراسه بعرض الحايط .. ورنا اللي ما خذتها توسعه صدر .. وما يعرفووون يدرسووون غير بالاختبارات .. ويجيبون احسن من ليا ..


كان يوم الاحد ..
ندى وشيخه والجده وبدريه ام محمد ..
ندى وهي متركيه عالمركى وتآكل ايسكريم .: انا ابيها من الله هالسالفه ..
شيخه وهي تقهوي جدتها : بس حررام ما بقى لك شي كثير ..
ندى : ولله لو ما باقي الا شهر ما راح ادرسه ..
الجده بفرحه واول مره تأيدها : ايه ولله عفيه ما راح يطلعك مره هالدرس .. المطبخ هو اللي يطلعك ..
ندى برعب تلتفت على امها : يمه لو الجامعه عشرسن سنه بكملها ..
شيخه : هههههههههههه الذله بنت حلال ..
دخلت رنا ..
رنا : السلاممم ..
الكل : وعليكم السلام ..
رنا بتحسر: يا هني عينك يا ندووووي بتتركين الدراسه .. صدق انك سحبتي هالترم ..
ندى بتعجب : بسم الله الرحمن الرحيم ... بسرعه انتشر ..
بدريه على بالها بنتها تمزح التفتت متعجبه : نعمممم انتي من صدقك ..
ندى بهبال وضحك : ايييييييييييه وهي تهز راسها بهبال .. وخييير البر عاجله ..
شيخه بذهول : لا وجايه على انك تشاورييين ..
ندى :هههههههههههههه تمهييييد
ودخلت معها رنا تتحسر وشيخه تبي تأنبها بس هي ماهي حول احد ..
وقامت بدريه وبعدها بشوي رجعت ..
الجده للبنات : ولله للي تسوي عملت ندى لههها عندي هديه بتعجبها ..
رنا بتأكد وتحري منها : اللي نبي مهما كاااااااااااااااااان ...
الجده بنرفزه خفيفه على استغلالها : مو اللي تبووون هو ماهو طلب .. لا انا مجهزتها ..
رنا بتحري وتسوي حركااات بوجهها : ولله يا ندى شكلي لحقتك وجلست معاااك بس اخاااف تكون الهديه سخيفه واخسر وساعه الصدر بالجامعه ..
الجده وهي تطق الصدر : لااااااااااااا ابد وناسه بس سوي سواتها والهديه تجيييك ..

بدريه وهي داخله ..
الججده : من اللي على التليفون ..
بدريه بدش وجزاء لسوات بنتها قررت تعاقبها باللي ينفعها : مرت خالي .. هيا .. تقول انهم مستعجلين حيل وتركي جننهم ..
وودها انها تقدمها الاسبوع هذا بدل اللي بعده .. وانا قلت لها وهي تشدد ( خيــــــــــر البر عاجله )
ندى قمزت وهي تقووول : نعمممممممم .. وشو خير البر عاجله يمه وشفيك ؟؟؟!!
امها بدقم لها وهي ترفع حاجب لها : مو انتي تقولينه .. هزت راسها بأتمام للموضوووع .. خلااااص ..
الجده تهلل وجهه وبونااااسه : هذي ولله الساعه المباركه ..
ندى بجنووون : لا مانيه مابي .. االعاجل بالدراااسه مو بالخطبه ..
امه بحده وقسوه عليها قالت تأدبها .. : خلااااص انتهينا الملكه هالاسبوووع ولو بيقولون الشهر الجاي الزواااج ما عندي مانع ...
ندى عصبت وطلعت تركض وهي تصيييح .. وتقووول ( يا ربي وش سويت .. ولله اني خربتها عالاآخر .. وبعدين قالوا خطبه وش ملكتها اللي هالاسبوووع )
قابلتها صيته ما فهمت منها شي ولحقتها ليا ..
صيته وهي داخله: السلام خيير وشفيكم ..
الجده بفله حجاج : لااا ابد سلامتك .. ام تركي دقت وقالت مستعجلين ويبوون الخطبه والملكه هالاسبووع وامها وافقت .. وندى بدت بأفلامها ..
رنا وصار عندها ثاني حال قالت بتردد : جدتي .. هونت افضل اكمل دراستي .. ولله لا تسووون فيني سواتها ..
الجده : لو بنسوي فيك سوينا وما هي عايقتنا دراستك .. وصدقيني تعجبك وانتي الخسرانه ..
شيخه قامت والجده سألتها ..
الجده : وين تبين ؟؟
بروح اشوفها والم باقي الربع هههههههه
الجده : اقول اتركيها هذي ندى وهذي افلامه .. بس بطريقك قومي هالامه اللي للحين نايمه ..
شيخه : ههه انشالله ..
وراحت بالاول مرت على ريم اللي جهزت لها عمتها غرفه فووق فاضيه وسكنت فيها .. طقت الباب مره ومرتين وما ردت فتحت الباب الا ولقته مفتوووح ..
ودخلت الغرفه خرمس ما تشوفين يدك وباااارده .. كش جلد شيخه يوم جاها الهواء دخلت عليها وهي تشوف كل شي بالغرفه متجمد كوب الماء بارد والمشط وجوالها كل شي .. راحت وفتحت الستاير وانفجر الضوء الاصفر بالغرفه كله وفتحت النافذه وهب بوجهه السموووم الحاره من براا
تحركت ريم من تحت فراشها منزعجه ..وشيخه تتخبط تدورها تحته وسحبت المفرش الا وتشوفها متكوره .. ضحكت عليها ..
ريم ما كااان باين عليها اي تعبير بوجهها الا عقده حواجبها يبين انها منزعجه ..
شيخه جلست على السرير وهي تقومها .. : ر يم ريم يلا قومي . ..
ريم يلا جدتي تقووول قومي هالامه .. يلا شوفي الخبر الجديد ..
تحركت ريم بخدر وحيلها مههدود واستغربت شيخه وجهها الاحمر بس قالت يمكن من الغمت .. لمست راسها الا نااار ..
شيخه وهي تقومها وتسألها بخوف : ريم شفيك ليش وجهك كذا واحمر .. عليك حراره ؟؟..
ريم بكسل : عااادي شيخه شوي مرتفعه ..
شيخه وهي تقووم وتمسكها : يلا قومي قومي خوذيلك حمام بارد تنزل حرارتك .. وتنشطي وانزليلي تحت اسوي لك شي تآكليينه ..
تحركت ريم بعجز من السرير وهي تنزل وتقووول : لا لا تعبين نفسك ماني مشتهيه .. خليني لا روقت آكل ..
شيخه وهي طالعه : ايه هين انتي بس تحممي بسرعه وتعالي ..وطلعت وسكرت الباب وريم دخلت الحمام وانتم بكرامه ..



وميلت على ندى ولقت عندها سمما ورنا وليا ..
شيخه وهي داخله عليهم : هاه شتسوووون ؟؟
ويييييييييييي وشفيك بوزك شبرين مو انتي تقولين ما ابي ادرس .. اجل وش لك سنع جالسه فاضيه ...
ندى تراعيله ومنقهره وساكته .. كملت شيخه .. اقول قومي بس بلا دلع لا تخربين هالاوقات عليك .. خلاص مادام سحبتي هالترم .. خلينا انا ويياااك نجهز وكل يووم نطلع هنا وهناك .. وتعدلي مع امك لا تضيف الزواج مع الخطبه والملكه ...قالتها تضحك .. والبنات ضحكوااا .. بس ما دروا الا اللي منففجره تصيييح ...:أأآآآآآآآآآآآآآآآآآآآآآآآآآآآآآآآآآآآآآآآ اهئ اهئ
كلهم كشوا وشيخه قلب وجهه ما توقعوها جديه على بالهم دلعها الدايم وهبالها ..
شيخه جت لها وهي تضمه وندى تمسك فيها وتصيييح وضربتها الشرهه عاااد ..
شيخه تهاديها : ندي ندوووي شفييك صدق انك خبله لا تخربين فرحتك .. بالعكس ولله ياهو شعوور يهبل ..
ندى بصيياح : انتم ليش ما تفهمووون ؟؟
شيخه رفعتها : وش نفهم قولي فهمينا ..
ندى : ولله مايمدي .. وبعدين امي يمكن هي اللي قالت وكأنها راميتني رمي .. وش تقووول ام تركي وام سعووود بعد ..
سما وهي ترسل عليها الوساده : وجعععععععع انشااالله خبصتينا وش تقووول امي يعني هاه ؟؟ بالعكس تفرح لخوها .. ولله يا خالي تركي .. متشقق وتحسف يقووول ليتني قايل ابيها الاثنيين ..
ندى : هه شفتي .. مستخفين .. ؟؟ !!؟؟ كأنهم ما صدقوا ..
رنا وهي توقف : اقول استحي على وجهك وش ما صدقوا .. مار ما الشرهه عليك الشرهه على اللي يواسيك ..
ندى تراعيله وهي تقووول : اشوف بك يوم يا رنوووه وقرييب ..
رنا بأستهتار : ماهو اقرب منك ..
الكل : ههههههههههههههههههههههههههههههههههههههه
شيخه : يلا عاااد ما دام رجعتوا للهبال معناه خلصنا يلا لا تداهمكم عصا جدتي هالحيين .. وانا بشوف ريم وانزلوا بسرعه .. وقامن البنات قبلها ونزلوا وهي مرت شافت غرفه ريم وكانت لمبه الحمام مشغله وصوت الماء .. نزلت ...



..على العشاء ..
العشاء على صيته وجالسه تطبخه .. وليا عندها تقطع سلطه جالسه بالارض ..
صيته لبنتها : ليا قومي عن الارض على الطاوله ..
ليا : يمه ما اعرف اقطع على الطاوله كأني معلقه هذا اولا وثانيا لازم اوقف واتعب بالارض ازين ..
امه : طيب حطي الفرشه تحتك ..
قامت ليا وهي تنفض البقدونس من ايديها وتناثر ..
ودخلت المستودع تجيب الفرشه .. ودخلت منيره ام خالد ..
ام خالد وهي تطير عيونه : اللله وش هالاعصار اللي هنا ..
التفتت صيته : هذي هالباسقه بنتي راحت تجيب الفرشه من المستودع . ..
ودخلت شيخه ومعها صينيه الشاهي والقهوه بعد ما خلصوا منهم وحطته على المجلى ..
شيخه : هاه يمه >>تقصد صيته تصير امه رضاعه .. تبين مساعده ..
صيته : لا خلاااص خلصت .. بس بشوف هالاعصار على قوله امك ..
شيخه وهي تشوووف : ههههههههههه ليا والزمن طويل وطلعت تشوفها الا وهي جايه تسحب الفرشه .. شيخه وهي واقفه له بالباب ..
شيخه : اصبري لا تسحبينها خلي اجي اشيلها معك ..
صيته يوم سمعت كلامه نزلت الملعقه اللي بيدها وسكرت القدر وبخوف طلعت لها ..
وبعصبيه عليها وخوف عليها لاان وجهها يبين تعبه بسرعه : وليش تشيلينه ؟؟ ليش ما قلتي للشغالات يشليونها ..
ليا رمته وهي تقووول اصلا مو لااازم بس انتي قلتي ..
سحبتها شيخه وفرشتها وجلسن ..شيخه ترتب لها وهي تقطع .. وبعدها تجمعوا وحطوا العشاء ..
الحريم بصاله والرجال عند الجده بالصاله الرئيسيه ..
اليووم كان الكل مجتمع يعني عبدالاله وفيصل ومحمدوخالد ماعندهم شفتات بالمستشفى .. وعبدالمحسن جاي مقدم من شغله عشان بكرا عنده سفره .. ومنصور على غير العاده اليوم بالبيت ..
والجده مع عيالها ...
عبد المحسن بمخ تجاري : يمه شرايك نبني الارض اللي ورانا ؟؟
الجده بقله خبره : ولله يا يمه انا مالي سنع بهالامووور .. بس وش تبون تبنونها ؟؟..
عبد المحسن بتردد : نبنيها مثل هالبيت ونتوسع ..
الجده ومزاجها قلب 180 درجه وانهلت عليهم واندفعت ..: نعم .. نويتوا تفرقون .. هذا وانا عايشه .. عقب عيني وش تبون تسوون ..
عبدالاله : الله يهداك يا يمه لك طوله العمر .. وشو نتفرق .. انشالله ما يفرقنا الا اللي غصب علينا وماشين على طريقه ...
فيصل بهدوء : بعد عمر طويل الله يخليك .. ماله داعي هالكلام يا يمه ..
الجده بحزن وتحاول ما تفقد قوتها :ما تسمعه وش يقول ..
عبد المحسن قام وحب راس امه وقعد جنبها وهو يقنعها : يا يمه الله يهداك ولله لو انا قايل ببني بديره ثانيه .. انا ببني هالبيت الثاني عشان نتوسع البيت تكدس وما عاد فيه مكان .. العيال لا تزوجوا وين بنحطهم .. هذا اولا وثانيا .. النظام هو النظام ما يتغير الغداء والعشاء عندك والجمعه عندك .. وبكرا لا تزوج منصور وين بيصير ؟؟؟. .. ولا تبين العيال يطلعون بعدين ..
منصور من بين سنانه : لا تفتح علينا بيبان مصككه وقال بصوت عالي .. ومن ملعون الوالدين اللي قايل لك بتزوج ..
الكل : ههههههههههههههههه
رد مع اقتباس
  #10  
قديم 07-16-2012, 01:24 AM
:|[..كيوت متميز..]|:
 
تاريخ التسجيل: Jul 2012
المشاركات: 402
معدل تقييم المستوى: 419
زهره جده has a spectacular aura aboutزهره جده has a spectacular aura about
افتراضي رد: روايه بنيت البيت طوبه طوبه لحد ما صرنا حموله

عبدالاله : البيت يا يمه قديم ويبي له ترميم على الاقل ننقسم نصنا هنا ونصنا هناك ..
فيصل ابتسم وهو فاهم جدته وقال : دام الموضوع كذا .. انا وامي واختي عند جدتي ..
وعمتي ام محمد .. من رايي انها بعد تجلس معنا .. لان جدتي ما تصبر عنها ..ومنصور ..
وانته يا عمي ابو خالد وعمي ابو سعود تكونون بالبيت الجديد .. وبكذا جدتي ترتاح ..
جدته وهي تراعيله دمعت عيونها بأرتياح كأنه ابوه اللي يتكلم قالت بصوت كسرته العبرات : يا عل عيني ما تبكيك يا ولد الغالي ..
ابو خالد : ونعم الراي وانا عمك .. بس طبعا ما نسوي شي الا برضاك يمه ..
الجده بقل حيله : ولله يا يمه انا مابي اغثكم .. ولا ابي انكد عليكم ولا اخرب راحتكم ..واوقف لكم بحلوقكم بس ولله ماودي تبعدون عني .. وافقد طلعتكم ودخلتكم علي .. وهي تمسح دموعها من تحت نظارتها ..
عبدالاله:لااااا يمه انتي الخير والبركه ولا حنا يا يمه .. الله يطولك وما نفقد حسك .. ونوعدك بهالمجلس والكل يسمع اننا محد يطلع ويدخل الا ومار عليك .. وعادتنا عساها ما تنقطع ..
محمد : بس متى تبون تبدون ..
ابو خالد : انا اقول اننا نبدا بالجديد ولما يخلص ننتقل له ونفضي هذا ونشتغل فيه من جديد .. عشان العمال وحوستهم ..
ابو سعود : فعلا والبيت مليان .. انا اوافقك على الرااي بعد ..
منصور بقله صبر : يا حبكم للشقى ولله انا مبسوطين ومرتاحين شله هالغلبه ..
محمد : ههههههه اكثر ما هي بتشغلك ..
خالد : ايه ولله .. الا ولله الله يقوي ابووي هو اللي بدا وهو اللي بيتحمل ..
الكل : هههههههههههههههههه
منصور كأنه معصب : ههههيه يا ولد انت وياه انا عمكم ..
فيصل : مع وقف التنفيذ طال عمرك ..هههههه
ههههههههههههههههههه
سعود اصغرهم يهمس له : سكر افمك .. تستاهل ما جااااك ..
على باله صوته هالعالي همس كلهم سمعوه : هههههههههههههههههههههههههههههههههههههههه







بدريه وهي تتعشى : شفيهم مستضحكين جعلها دوووم ..
ام خالد : بيجيك العلم الحين تلقين سعود ولا منصور طابين علينا .. ما كملت الا وهم اثنينهم داخلين .. بعد ما تغطن البنات ..
منصور يتمسكن : لنا الله يا اختي ...
اخواننا بيبنون الارض اللي ورانا ويسكنون بالجديد وانا وياك بنجلس هنا ..
ومن قرادتنا مخلين فيصل معنا ..
ام فيصل ببتسامه على حماها الصغيراللي هي بعد مربيته بسن فيصل : الا ولله من سعدكم .. اللي فيصل بيطل عليك صبح وليل ..
بدريه بمفاجأه وبعدم اقتناع شلون امه وافقت : ولله صادق .. ؟
منصور وهو يجلس على الكنب بحركه يمثل فيها الحزن : ايه ولله صادق يا اختي .. لكن ولا عليك احتسبي الاجر ...
البانت كلهم فيه ومتغطيات الا سما لانه اخوه وعمه ... تنحنح فيصل بيمر يصعد فوق ..
يوم مر كل البنات جمدن ..
ووحده منهم شهقت لا شعوريا وهي تقول ..
........: أأأهههههئئئئئ هذا هوووو وهي تغز صبعها ..


انتهى ..
رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
بنيت بداخلي لا أجلك .. Quizăs معرض التصوير البدائي 27 07-06-2009 07:33 PM

Facebook Comments by: ABDU_GO - شركة الإبداع الرقمية

Bookmark and Share


الساعة الآن 11:38 AM.


Powered by vBulletin® Copyright ©2000 - 2014, Jelsoft Enterprises Ltd.
Search Engine Optimization vBSEO 3.3.0
This Forum used Arshfny Mod by islam servant